loksins, loksins!

lalalalalalalala - ritgerðin farin úr mínum höndum (í bili) en ég náði takmarkinu og skilaði henni seinnipartinn í gær. Þvílíkur léttir og ég trúi því varla sjálf að mér ætli loksins að takast að klára þetta! Þetta er í þriðja sinn sem ég skrái mig í B.A. ritgerð og segir ekki einhvers staðar: Allt er þegar þrennt er - þannig að ég trúi því bara.

Fórum með vinum okkar út að borða í gærkvöldi, bæði til að fagna þessum áfanga en ekki síður afþví Ástvaldur átti afmæli. Fórum á Fiskmarkaðinn og vorum ekki svikin...fóum í ferðalag á staðnum þar sem hver dýrindis rétturinn af öðrum var borinn á borð fyrir okkur...ummmmmm! Vorum að tala um ritgerðarskrifin og þá datt út úr bogmanninum..."þú varst nú ótrúlega fljót að skrifa ritgerðina," ...og bætti svo við "eða kannski ekki. Tuttugu ár er kannski ekki lítill tími"?  Ég veit ekki hvort einhver hefur tekið lengri tíma í þetta en hvað...ef þetta klárast, er ég sátt og þá má ég líka velja mér eitthvað annað! Setti sjálfa mig í bann, mátti ekki fara á námskeið...í neinu fyrr en ég kláraði þessa ritgerð þannig að nú get ég gert eitthvað skemmtilegt eftir áramót og svo ætla ég að fara að kíkja á nám í Holistic health...sem ég hef mikinn áhuga á að stúdera.

jæja, ætla í göngutúr með hundana og svo í pottinn og gufuna í sundlauginni! 

Athugasemdir

[Ibba Sig., 15.12.2007 kl. 17:15]

Til hamingju með þetta Gyða (með .... andlitið, hehe, ekkert smá sem maður fær að heyra það hérna!

Þú átt sko pottinn og gufuna skilið, gott ef ekki almennilegt nudd líka!

[Sesselja Fjóla Þorsteinsdóttir, 19.12.2007 kl. 15:41]

Til hamingju með áfangann !!

[Fararstjórinn, 21.12.2007 kl. 10:28]

Til hamingju vinkona! Tíminn er afstæður þegar kemur að lokaritgerðum, það sem skiptir mestu máli er að hespa þetta af. Vel gert! Það virkar greinilega að klára svona í sveitinni.

[OM , 21.12.2007 kl. 14:13]

Til hamingju með ritgerðina. Ég rakst á þetta á netinu, veit ekki hvort þú hefur séð þetta: http://www.sfzc.org/zc/display.asp?catid=1,10,165&pageid=551 Þetta er smá myndbandsbrot með Suzuki-roshi en mjög skemmtilegt að sjá þetta.Veistu hvort þetta er til í heild sinni á Grensárveginum? Ég fer svo að láta sjá mig aftur, þó ég hafi takmarkaðan tíma (eins og allir reyndar) en þetta gengur ekki svona. Ágætis nýjársheit kannski.

Gassho

Leifur

[Svala Jónsdóttir, 21.12.2007 kl. 17:56]

Til hamingju með þennan áfanga! Virkilega vel af sér vikið hjá þér.

Ég er "bara" búin að skrá mig einu sinni í mastersritgerðina í MPA í HÍ og á eftir að gera það aftur, vonandi tekst það í annarri (eða þriðju) atrennu. ;)