Blessuð blíðan

Ég á ekki orð yfir veðrið á Íslandi þessa dagana - Ég, kuldaskræfan, sat úti í dag á peysunni (úr ull þó) og naut blíðunnar. Þetta var bara eins og það gerist best á sumrin - þá er ég ekki að tala um sumarið 2006! Var í barnaafmæli og börnin voru nánast í stuttbuxum og hlýrabolum. Eina merkið um að sumarið væri á förum var hausthorið sem fór ekkert sérstaklega vel við sumarklæðnaðinn.
Á á á - er með kveikt á sjónvarpinu og þar er einn Gibb bræðra að syngja gamla slagarann úr Saturday Night Fever - Staying alive - og því miður er þetta ekki alveg að gera sig. Hann er greinilega frekar stressaður og svo er spurning hvort hann er ekki eitthvað veikur? Fötin hanga utan á honum og mér finnst eins og tennurnar passi ekki alveg upp í hann lengur. En hann á eftir að syngja annað lag á eftir og vonandi gengur það betur. Lagið var samt ekki slæmt af því fötin eru of stór heldur einfaldlega vegna þess að hann var falskur.